点解广州花都人对煲仔饭咁执着
有人一听到煲仔饭，就会讲广东人残忍！点解广东人乜都食，煲仔饭、人头饭、老婆饼…但系广东话嘅煲仔，其实系砂锅。
用砂锅煮米饭，因为传热慢，所以煮得耐。点煲仔饭前老板都会温馨提醒一句，煲仔饭要等一阵。
对于广东人来讲，煲仔饭就系有灵魂嘅美食。今日撑家姐一日食咗花都8间店嘅煲仔饭，只为试出边一间煲仔饭系最好食嘅。
希望你们都可以爱上煲仔饭，同佢暖粒粒嘅灵魂！
讲起煲仔饭，我第一个想起嘅就系新华市场嘅红福来！
红福来系新华市场已经开咗13年啦，虽然间店开系市场入面，环境系相对差咗d，但系老板煮嘅煲仔饭绝对食到你返寻味~
“生米煮成熟饭”就听得多，唔知睇过没？老板话大米必须浸半个钟以上，煲出来嘅饭先会坚实饱满，一煲煲嘅饭，香气环绕小店附近，吸引咗唔少路人~
而我最中意食嘅就系腊肉，其实腊肉好适合做煲仔饭，必点类！既有浓烈飘香，也具备独有嘅油脂，油浸入米饭后，味道更为浓郁。
腊肉色泽光滑，咬落口饱满Q弹，烧肉厚薄均匀，钟意食烧肉皮记得点~
瘦肉选用肉多筋少嘅部分，腌制后咸香可口，三种肉加起来，味道不过不失，却令人齿颊留香！
总体来讲，红福来13年来，味道都无点变，好多花都人都系从细食到大，可以话系充满花都人嘅童年回忆。
红福来饭店
地址：建设路新华市场内
营业时间：4：30-21:00
人均：12
地图：（旧新华百货对面的巷子进去）
一讲起就会勾起花都人回忆嘅又点止红福来一间煲仔饭，当然仲有系商业大道嘅味康源养生堂。
呢间煲仔饭一直都系附近新中同秀中嘅学生饭堂，而且相对于红福来嚟讲，味康源嘅环境相对好d。
之所以味康源嘅煲仔饭咁受欢迎，除咗佢嘅环境相对来讲都算唔错之外，仲有佢嘅性价比真系好高，人均先15蚊，个煲d料足到满晒出来！
为咗保持米饭嘅原汁原味，选用最好嘅材料，最好嘅方法，做最好嘅食材。
店内招牌煲仔饭：腊味煲仔饭、牛肉煲仔饭、鹧鸪煲仔饭。
煲仔饭加料净系需要2蚊鸡！便到唔敢相信！
味康源嘅煲仔饭唯一嘅缺点就系煲得未够干身，就系煲底嘅饭焦未够焦干，如果饭焦可以焦香一d就完美啦~
味康源养生堂
【电话】：020-86803402
【人均】：15元
【地址】：广州市花都区商业大道68之1-2号
【地图】：
系新花街附近，梗系唔止味康源一间饭店啦，仲有一间就系紫陶轩。
紫陶轩的饭都系即点即煮的，因为要用紫砂煲来煮米饭，传热慢，所以煮的时间会比较长，一般要等15—20分钟嘅。
哩度最出名的就系黄鳝饭，黄鳝、大肠紧密有序地分布系白饭上，再铺上一层葱花、姜蓉来祛腥提鲜，唔吃得姜葱的撑友记得提前同阿姨讲声~
呢度嘅紫砂煲饭性价比高，分量足，一份饭送配菜同糖水，两个女仔点一份饭一个炖汤，就已经足够饱了。
紫陶轩
营业时间：10:30-21:00
人均消费：20元
联系电话：020-36858188
店铺地址：广东省广州市花都区商业大道81-16号（新华中学斜对面）
交通指引：乘坐花10号车在“红珠路公交站”下，步行50米左右
地图指引：
行记系隐藏在建设北路金花街嘅一间美食店，个店面虽然有d唔起眼，而且睇佢个招牌就知道主打猪杂粥，但系，其实行记嘅煲仔饭都系相当唔错嘅。
呢度嘅煲仔饭系即点即煲，所以如果点煲仔饭嘅撑友们就要耐心等待20分钟左右啦。
而我最中意嘅就系呢度嘅猪杂煲仔饭，打开煲盖嘅一刻，饭嘅香气随之而出，一煲仲滋滋声嘅猪杂煲仔饭简直就系致命诱惑！
猪杂铺满晒饭面，令人感觉满足。米的柔韧度适中，包裹住猪杂汁嘅香，粒粒晶莹油亮，越嚼越香口！
总体来讲，行记嘅煲仔饭，饭焦香还可以，饭焦香混搭住猪杂本身嘅香味，呢个值得点赞。
行记猪杂粥
地址：花都区建设北路88-14号
电话：18520222093 13711696038
营业时间：周一至周日10：00-14：00
18:00-02:00
地图：
虽然一听大岗仙庙烧鸡个名就知道主打系食烧鸡，但系撑家姐发现，原来佢嘅煲仔饭都好好食。
30蚊就一大煲，分量超足！亲测4-5个成年人都够食了~
一大煲就有腊肉、腊肠、排骨，“腊味三兄弟”强强联手，令你无办法拒绝！
仙庙嘅煲仔饭系用上等嘅丝苗米，米粒吸收咗腊肉嘅精华，晶莹剔透，食起身油润不腻。
大岗仙庙烧鸡（公益店）
【营业时间】
09:00-14:00、16:00-凌晨04:00
【电话】罗小姐15989078883
【地址】广州市花都区茶园中路40号
【地图】
【花东店】
地址：花东镇大东村从化庄南82号
电话：86762260
【狮岭店】
地址：金狮大道东南山经济社对面
电话：86990318
【风神店】
地址：保利城三街20号
电话：28615325
除咗仙庙烧鸡，仲有鸽霸都系一样，一听名就知道，鸽霸招牌系鸽。
但系我就认为，去到鸽霸除咗要食红烧乳鸽之外，一定要试下嘅就系呢度嘅秘制腊鸽煲仔饭！
鸽霸新鲜出炉的煲仔饭，未开盖就已经闻到一阵香气了，隔着屏幕都想流口水！
米饭透住腊味嘅香，食一口，瞬间幸福感爆棚。
红烧乳鸽就食得多啦，腊鸽煲仔饭就唔系周街都有得食，暖心又补身，最啱我哋d女仔食啦。
鸽霸
全国连锁鸽霸（广州）来又来旗舰店
【营业时间】10：00-22:00
【电话】020-86887123
【地址】花都区龙珠路39号来又来商场三楼3001号铺（原大头椰正嘢椰子鸡）
【地图】
食完新华嘅煲仔饭，我哋去花山继续食！其实花山都有好多好食嘅美食店。
其中一间就系怡乐美食啦。讲起怡乐美食，相信系花山中学读书嘅同学应该都唔陌生。
虽然呢间小食店并唔起眼，但系佢嘅出品绝对唔比出面嘅差。
尤其系佢嘅煲仔饭，呢煲鸡肉+鱿鱼+腊肠嘅煲仔饭，一上台就已经香味十足！鱿鱼并不会很腥，有足够嘅姜去腥，鸡肉嫩滑、简直色香味俱全。
仲有呢个酿辣椒、鸡肉、腊肠混搭嘅煲仔饭，每一样搭配起来都别有风味但又可以保留自身的原汁原味，真系神奇！
怡乐嘅煲仔饭搭配仲系比较有新意嘅，值得一试。
怡乐美食
地址：花山镇育才街花山医院对面
营业时间：5:00am--14:00pm
地图：
系花山中学附近除咗怡乐美食之外，仲有麦香美食。
将泡好的米放入砂锅中大火煮开，待砂锅内水分烧干后转小火，舖上材料，再继续小火煮5分钟，熄火后焖焗15分钟，最后淋上酱油和葱花。
隔住个屏幕，我都已经闻到一阵香味。
半个钟左右，热辣辣嘅煲仔饭终于出炉啦！
开筷前拌一拌，让配料以及肉汁渗透到锅饭里，吃起来既有肉料，米饭中带少少肉香，用呢种方式好吃到爆炸！
平时帮衬得最多嘅都系附近嘅老师同学生，系花山中学毕咗业嘅同学仔，得闲返去再回味一下中学嘅味道啦~
麦香美食
营业时间：5:00am-14:00pm
地址：花山镇育才街花山医院对面
地图：
虽然依家冬天已经过咗，但系都阻挡唔到花都人对煲仔饭嘅热爱。
就算需要等上30分钟，只要足够好吃，从第一口开始就让人忘记等待时的无聊和痛苦，那一锅的香气系入口的一瞬迅速钻到身体的各个角落，每一次张嘴都担心香气跑散。
最后，来一波投票！你最中意的一间煲仔饭是哪家？